இயக்கம்: அபிலாஷ் ஜி. தேவன்
நடிப்பு: அமர் ராமச்சந்திரன், நேஹா அமர், பாலா சிங், நிமிஷா நம்பியார்
இசை: அவுசப்பச்சன்
இலங்கைப் போரின் பின்னணியில், சொந்த மண்ணையும் உறவுகளையும் இழந்து தமிழ்நாட்டிற்கு வரும் ஒரு தந்தையும் அவரது மகளும் எதிர்கொள்ளும் வாழ்க்கைப் போராட்டத்தை மையமாகக் கொண்ட படம் ‘தாய் நிலம்’.
சேதுராமன் தனது மகளுடன் புதிய இடத்தில் வாழ்வைத் தொடங்க வேண்டிய கட்டாயத்திற்கு தள்ளப்படுகிறார். இருப்பிடம், உணவு, வேலை என ஒவ்வொரு நாளையும் போராடிக் கடக்கும் அவர்களின் வாழ்க்கையை படம் உணர்வுப்பூர்வமாக பதிவு செய்கிறது.
அமர் ராமச்சந்திரன் தந்தை கதாபாத்திரத்தில் இயல்பான நடிப்பை வழங்கியிருக்கிறார். மகளாக நடித்த நேஹா அமர், தந்தையின் கஷ்டத்தைப் புரிந்துகொண்டு நடிக்கும் காட்சிகளில் சிறப்பாக கவனம் ஈர்க்கிறார். பாலா சிங் மனிதநேயமிக்க கதாபாத்திரத்தில் தனது அனுபவமான நடிப்பை வெளிப்படுத்துகிறார்.
படத்தின் மிகப்பெரிய பலம் அதன் தந்தை–மகள் பாசம் மற்றும் மனிதநேயம். அகதியாக மாறும் மனிதர்களின் வலி, புதிய இடத்தில் வாழ்க்கையை மீண்டும் கட்டியெழுப்பும் முயற்சி ஆகியவை அழுத்தமாக சொல்லப்பட்டுள்ளன.
அவுசப்பச்சனின் இசை படத்தின் உணர்வுகளுக்கு துணையாக அமைந்துள்ளது. குறிப்பாக பின்னணி இசை கதையின் சோகத்தையும் நம்பிக்கையையும் வலுப்படுத்துகிறது. ஒளிப்பதிவும் எளிமையான காட்சிகளின் மூலம் கதையின் சூழலை அழகாக பதிவு செய்கிறது.
‘தாய் நிலம்’ வேகமான பொழுதுபோக்கு திரைப்படம் அல்ல. மனிதர்களின் இழப்பு, பாசம், போராட்டம் மற்றும் நம்பிக்கையைப் பேசும் மனதைத் தொடும் உணர்வுப்பூர்வமான படம்.
M.GIRIJA- Cinema Reporter
