கோவை:
கோவை மாவட்டம், துடியலூர் பேருந்து நிலையத்தின் மேற்கூரை திறப்பு விழாவுக்கு முன்பே சேதமடைந்த சம்பவம் தொடர்பாக, கவலை தெரிவித்த கவுண்டம்பாளையம் சட்டமன்ற உறுப்பினர் கனிமொழி சந்தோஷ் மேற்கொண்ட துரித நடவடிக்கைகளின் தொடர்ச்சியாக, சேதமடைந்த மேற்கூரை தற்போது சீரமைக்கப்பட்டுள்ளது. மேலும், பேருந்து நிலையம் விரைவில் பொதுமக்களின் பயன்பாட்டிற்குக் கொண்டுவரப்படும் என்றும் அவர் உத்தரவாதம் அளித்துள்ளார்.
துடியலூர் பேருந்து நிலையத்தின் மேற்கூரை சேதமடைந்தது குறித்து கருத்து தெரிவித்த கனிமொழி சந்தோஷ், “ கடந்த கால ஆட்சியின் அவலங்களை நினைத்தால் வேதனையாக உள்ளது ” என்று குறிப்பிட்டார்.
பொதுமக்களின் வரிப்பணத்தில் மேற்கொள்ளப்படும் கட்டுமானப் பணிகள் தரமானதாகவும், நீண்ட காலம் பயன்படும் வகையிலும் அமைய வேண்டும். ஆனால், திறப்பு விழாவுக்கு முன்பே பேருந்து நிலையத்தின் மேற்கூரை சேதமடைந்தது கட்டுமானப் பணிகளின் தரம் குறித்து கவலையை ஏற்படுத்துவதாக அவர் சுட்டிக்காட்டினார்.
பேருந்து நிலையத்தைப் பயன்படுத்தும் பொதுமக்கள் மற்றும் பயணிகளின் பாதுகாப்பைக் கருத்தில் கொண்டு, சேதமடைந்த மேற்கூரையை உடனடியாகச் சீரமைக்கவும், பேருந்து நிலையத்தை விரைவில் மக்கள் பயன்பாட்டிற்குக் கொண்டுவரவும் சம்பந்தப்பட்ட அதிகாரிகளிடம் அவர் வலியுறுத்தினார்.
MLA-வின் துரித நடவடிக்கை – சீரமைக்கப்பட்ட மேற்கூரை!
பொதுமக்களின் பாதுகாப்புக்கு முன்னுரிமை அளித்து, அதிகாரிகளிடம் தொடர்ந்து வலியுறுத்தியதன் விளைவாக, சேதமடைந்த மேற்கூரை தற்போது சீரமைக்கப்பட்டுள்ளது. பேருந்து நிலையத்தைப் பாதுகாப்பான முறையில் மக்கள் பயன்படுத்துவதற்கான நடவடிக்கைகள் மேற்கொள்ளப்பட்டு வரும் நிலையில், அது விரைவில் பொதுமக்களின் பயன்பாட்டிற்குக் கொண்டுவரப்படும் என கனிமொழி சந்தோஷ் உத்தரவாதம் அளித்துள்ளார்.
பொதுமக்களின் வரிப்பணத்தில் உருவாக்கப்படும் கட்டமைப்புகள் தரமானதாகவும் பாதுகாப்பானதாகவும் இருக்க வேண்டும் என்பதில் உறுதியாக உள்ள அவர், கட்டுமானப் பணிகளின் தரத்தில் அலட்சியம் இருக்கக் கூடாது என்றும் வலியுறுத்தியுள்ளார்.
பொதுமக்களின் பாதுகாப்பே முக்கியம்!
பிரச்சினையை அதிகாரிகளின் கவனத்திற்குக் கொண்டுசென்றதுடன் நின்றுவிடாமல், சேதமடைந்த மேற்கூரையைச் சீரமைக்க நடவடிக்கை மேற்கொண்டு, பேருந்து நிலையத்தை விரைவில் மக்கள் பயன்பாட்டிற்குக் கொண்டுவர உறுதியளித்துள்ள MLA கனிமொழி சந்தோஷின் நடவடிக்கை, பொதுமக்களின் பாதுகாப்பிற்கு முன்னுரிமை அளிக்கும் அணுகுமுறையை வெளிப்படுத்துகிறது.
- கோவை நிருபர் P.பிரேமா
