கே.ஆர் வினோத் இயக்கத்தில் லெனின், அஸ்மின், அனுமோகன், ஆர்.வி உதயகுமார் மற்றும் பலர் நடிப்பில் உருவாகியுள்ள படம் தான் ‘ரெட் லேபிள்’
விமர்சனம்:
கோவையில் உள்ள ஒரு தனியார் கல்லூரியில் மாணவர்கள் தேர்தல் நடக்கிறது. அந்த தேர்தலில் அராஜகமாக வெற்றி பெற MLAஆர்.வி உதயகுமாரின் மகன் பாண்டியன் முயற்சி செய்கிறார். இவரின் அராஜகத்தை கட்டுப்படுத்த முன்னாள் மாணவர் தலைவர் லெனினை அழைத்து வருகிறார்கள். இவர் நேர்மையான முறையில் தேர்தலை நடத்த முயற்சி செய்கிறார். இந்த சூழ்நிலையில் கல்லூரியில் ஒரு கொலை நடக்கிறது. இந்த கொலையை விசாரிக்க போலீஸ் கல்லூரிக்கு வருகிறது. பிறகு என்ன நடந்தது என்பதே கதை…
நாயகனாக நடித்திருக்கும் லெனின், அறிமுக நடிகர் என்ற அடையாளமே தெரியாதவாறு சிறப்பாக நடித்திருக்கிறார். கல்லூரி மாணவர் மற்றும் கல்லூரியை முடித்த காலக்கட்டம் என்று தோற்றத்திலும், நடிப்பிலும் வேறுபாட்டை காட்டுவதற்காக அதிகம் மெனக்கெட்டிருப்பது திரையில் தெரிகிறது.
காமெடி கலந்த வில்லத்தனத்தின் மூலம் கவனம் ஈர்க்கும் இயக்குநர் ஆர்.வி.உதயகுமாரின் திரை இருப்பு படத்திற்கு பெரும் பலம் சேர்த்திருக்கிறது. ஒரு சாதாரண கேம்பஸ் தேர்தல், அடிதடி என்று தொடங்கும் படம் கொலைக்கு பின்பு ஒரு சஸ்பென்ஸ் திரில்லர் படமாக மாறிவிடுகிறது. கல்லூரி வாழ்க்கை மற்றும் காதல் பின்னணியில், கிரைம் சஸ்பென்ஸ் திரில்லர் கதையை மிக நேர்த்தியாக எழுதிருக்கும் பொன்.பார்த்திபன், பல திருப்பங்கள் மூலம் இறுதி வரை சுவாரஸ்யம் குறையாமல் திரைக்கதையை கையாண்டிருக்கிறார்.
மைனஸ்: சில காட்சிகள் லாஜிக்கே இல்லாமல் இருக்கிறது மற்றும் நாயகிக்கு ஏற்ற தோற்றம் இல்லை.
மொத்தத்தில் இந்த ‘ரெட் லேபிள்’ காதல் கொலை.
