சென்னை:
கோயம்பேட்டில் அக்டோபர் 2, 2026 நேற்று காலை 10 மணியளவில் மகளிருக்கான ‘வெற்றி பயணம்’ திட்டம் தொடங்கப்பட்டதாக தெரிவிக்கப்பட்ட நிலையில், அக்டோபர் 3, 2026 இன்று பேருந்து எண் 99, பதிவு எண் PEK 5184- ல் பயணம் செய்த மகளிரிடம் கட்டணம் வசூலிக்கப்பட்டதாக புகார் எழுந்துள்ளது.
மேலும், அந்தப் பேருந்திலேயே ‘வெற்றி பயணம்’ என குறிப்பிடப்பட்டிருந்ததாக கூறப்படுகிறது. இது குறித்து பயணி ஒருவர் நடத்துநரிடம் கேட்டபோது, “இந்த வழித்தடத்தில் இன்னும் வெற்றி பயணத்தை கொண்டு வரவில்லை” என நடத்துநர் தெரிவித்ததாக கூறப்படுகிறது. ஆனால் அதே பயணி நேற்று அதே பேருந்தில் இலவசமாக பயணித்ததாக கூறுகிறார்.
இதனால், பேருந்தில் ‘வெற்றி பயணம்’ என குறிப்பிடப்பட்டிருந்தும், மகளிரிடம் ஏன் கட்டணம் வசூலிக்கப்பட்டது? மேலும், அக்டோபர் 2-ம் தேதி தொடங்கப்பட்டதாக கூறப்படும் இத்திட்டம் மறுநாளே குறிப்பிட்ட வழித்தடத்தில் நடைமுறையில் இல்லாததற்கான காரணம் என்ன? முதல்வர் விஜய் கோயம்பேடு வந்ததால் தான் இலவச பயணமா? என்ற கேள்வி பயணிகள் மத்தியில் எழுந்துள்ளது. இது குறித்து சம்பந்தப்பட்ட போக்குவரத்துத் துறை அதிகாரிகள் உரிய விளக்கம் அளிக்க வேண்டும் என பயணிகள் கோரிக்கை விடுத்துள்ளனர்.
எமது நிருபர் M.கிரிஜா
