உலக ஹாக்கி ரசிகர்கள் ஆவலுடன் காத்திருக்கும் 16-வது எஃப்ஐஎச் (FIH) மகளிர் உலகக்கோப்பை ஹாக்கி தொடர், வரும் ஆகஸ்ட் 15 முதல் 30-ஆம் தேதி வரை பெல்ஜியம் மற்றும் நெதர்லாந்து ஆகிய நாடுகளில் நடைபெற உள்ளது. 16 நாடுகள் பங்கேற்கும் இந்த பிரம்மாண்ட தொடருக்கான 20 பேர் கொண்ட இந்திய மகளிர் ஹாக்கி அணியை ஹாக்கி இந்தியா அதிகாரப்பூர்வமாக அறிவித்துள்ளது.
சலிமா டெடிக்கு மீண்டும் கேப்டன் பொறுப்பு
இந்திய அணியை அனுபவம் வாய்ந்த நடுகள வீராங்கனை சலிமா டெடி வழிநடத்த உள்ளார். அணியின் துணை கேப்டனாக மூத்த கோல்கீப்பர் சவிதா நியமிக்கப்பட்டுள்ளார். தலைமைப் பயிற்சியாளர் ஸ்ஜோர்ட் மரிஜ்னே தலைமையில் இந்திய அணி பெங்களூருவில் தீவிர பயிற்சியில் ஈடுபட்டு வருகிறது.
பெரிய மாற்றம் இல்லை… அதே கூட்டணிக்கு நம்பிக்கை
உலகக்கோப்பைக்காக அறிவிக்கப்பட்டுள்ள அணியில் பெரிய மாற்றங்கள் எதுவும் செய்யப்படவில்லை. வரவிருக்கும் ஆசிய விளையாட்டுப் போட்டிக்காக தேர்வு செய்யப்பட்ட அதே வீராங்கனைகளுக்கு மீண்டும் வாய்ப்பு வழங்கப்பட்டுள்ளது. சமீபத்தில் நடைபெற்ற FIH நேஷன்ஸ் கோப்பையை வென்ற அணியின் பெரும்பாலான வீராங்கனைகள் இந்த உலகக்கோப்பை அணியிலும் இடம்பெற்றுள்ளனர்.
இந்திய அணியில் இடம்பெற்றுள்ள 20 வீராங்கனைகள்
கோல்கீப்பர்கள்:
சவிதா, பிச்சுதேவி கரிபாம்
டிஃபெண்டர்கள்:
இஷிகா சவுத்ரி, சுஷிலா சானு, லால்தன்ட்லுவாங்கி
ஜோதி, ஷில்பி தபாஸ்
மிட்ஃபீல்டர்கள்:
நிக்கி பிரதான், சாக்ஷி ராணா, சுனேலிதா டாப்போ, சலிமா டெடி (கேப்டன்)
நேஹா, தீபிகா சோரெங்
ஃபார்வேர்டுகள்:
லால்ரெம்சியாமி, ருதுஜா தாதாசோ பிசல், நவ்னீத் கவுர்
தீபிகா, இஷிகா, பல்ஜீத் கவுர், பியூட்டி டங்டங்
இந்தியா இடம்பெற்றுள்ள குரூப் எது?
இந்திய அணி ‘பூல் டி’ பிரிவில் இடம்பிடித்துள்ளது. இதில் சீனா, இங்கிலாந்து, தென்னாப்பிரிக்கா ஆகிய அணிகளுடன் இந்தியா மோதவுள்ளது.
இந்தியாவின் லீக் போட்டி அட்டவணை
- ஆகஸ்ட் 16 – இந்தியா vs சீனா
- ஆகஸ்ட் 18 – இந்தியா vs தென்னாப்பிரிக்கா
- ஆகஸ்ட் 20 – இந்தியா vs இங்கிலாந்து
இந்த அனைத்து போட்டிகளும் நெதர்லாந்தின் ஆம்ஸ்டெல்வீனில் உள்ள வாகேனர் ஹாக்கி மைதானத்தில் நடைபெற உள்ளன.
இந்தியாவின் இலக்கு என்ன?
சமீபத்தில் FIH நேஷன்ஸ் கோப்பையை கைப்பற்றி சிறப்பான ஃபார்மில் இருக்கும் இந்திய மகளிர் அணி, அதே உத்வேகத்துடன் உலகக்கோப்பையிலும் சிறப்பாக செயல்பட்டு பதக்கம் வெல்லும் இலக்குடன் களமிறங்குகிறது. அனுபவம் மற்றும் இளமை கலந்த இந்த அணி உலகின் முன்னணி அணிகளுக்கு கடும் சவால் அளிக்கும் என ரசிகர்கள் நம்பிக்கை தெரிவித்துள்ளனர்.
