திருவொற்றியூர் காவல் நிலை​யத்​தில் சட்​டம் – ஒழுங்கு காவல் ஆய்​வாள​ராக இருப்​பவர் அலெக்​ஸ். இவர் விடுப்​பில் சென்​ற​தால் அக்காவல் நிலைய குற்​றப்​பிரிவு ஆய்​வாளர் மோகன்​தாஸ், கூடு​தல் பொறுப்​பாகச் சட்​டம் – ஒழுங்கு பணி​களைக் கவனித்து வந்​தார்.

இந்​தச் சூழலில் திருவொற்​றியூர் பகு​தி​யில் உள்ள டாஸ்​மாக் கடை ஒன்​றில் அனு​ம​திக்​கப்​பட்ட நேரத்​துக்கு முன்​னரும் (மதி​யம் 12 மணி), அனு​ம​திக்​கப்​பட்ட நேரத்​தைத் தாண்​டி​யும் (இரவு 10 மணி) சட்ட விரோத​மாக மது விற்பனை நடை​பெறு​வ​தாகப் புகார்​கள் எழுந்​தன.

இது தொடர்​பான வீடியோ சமூக வலை​தளங்​களில் அண்​மை​யில் வைரலானது. சென்​னை​யில் சட்​ட​விரோத மது விற்​பனையை இரும்​புக்​கரம் கொண்டு அடக்க வேண்​டும் என்று காவல் ஆணை​யர் அபின் தினேஷ் மோடக் ஏற்​கெனவே உத்​தர​விட்​டிருந்​தார்.

இந்​நிலை​யில் தன் பொறுப்​பில் இருந்த பகுதியில் கள்​ளச்​சந்தை மது விற்பனையைத் தடுக்​கத் தவறிய காவல் ஆய்​வாளர் மோகன்தாஸை பணி​யிடை நீக்​கம் செய்து காவல் ஆணை​யர் உத்​தர​விட்​டுள்​ளார்.

“இது போன்ற சட்​ட​விரோத செயல்​களில் ஈடு​படு​வோர் மீது கடுமை​யான நடவடிக்கை எடுக்​கப்​படும். தேவைப்​பட்​டால் குண்​டர் சட்​டத்​தில் குற்றவாளி​கள் சிறை​யில் அடைக்கப்​படு​வார்​கள். சட்​ட​விரோத மது விற்​பனையை தடுக்​கத் தவறும் காவல் துறை​யினர் மீதும் பாரபட்​சம் இன்றி கடுமை​யான நடவடிக்கை எடுக்​கப்​படும்” என காவல் ஆணை​யர்​ எச்​சரிக்​கை விடுத்​துள்​ளார்​.

திரு​வாரூர் மாவட்​டம் மன்​னார்​குடி அருகே உள்ள காரக்​கோட்​டையைச் சேர்ந்​தவர் கலியபெரு​மாள்​(58), வெளி​நாட்​டில் வேலை பார்த்து வரு​கிறார். இவரது மனைவி தேவி(50).

இவர்​களது மகன் ஐயப்​பன்​(32). பொறி​யியல் பட்​டப்​படிப்பு படித்​துள்ள இவர், வேலைக்கு செல்​லாமல் இருந்​துள்​ளார். மதுப்​பழக்​கத்​துக்கு அடிமை​யான ஐயப்​பனுக்கு கஞ்சா பழக்​க​மும் இருந்​துள்​ளது. இதன் காரண​மாக, திரு​வாரூர் அரசு மருத்​து​வக் கல்​லூரி மருத்​து​வ​மனை​யில் கடந்த 20 நாட்​களாக சிகிச்​சை​யில் இருந்த ஐயப்​பன், 2 நாட்​களுக்கு முன்​னர் சிகிச்சை முடிந்து வீடு திரும்​பி​னார்.

இந்​நிலை​யில், அதே ஊரில் வசிக்​கும் தனது தாத்தா பிச்​சை​முத்து, பாட்டி சந்​திரா வீட்​டுக்கு நேற்று முன்​தினம் இரவு சென்ற ஐயப்​பன் பணம் கேட்டு தகராறு செய்​துள்​ளார். இதை அறிந்த அவரது தாயார் தேவி, ஐயப்​பனை சமா​தானம் செய்​து, தனது வீட்​டுக்கு அழைத்​து சென்​றுள்​ளார்.

அதன்​பின், பிச்​சை​முத்து வீட்​டுக்கு நேற்று அதி​காலை 5 மணி அளவில் சென்ற ஐயப்​பன், அங்கு தூங்கிக் கொண்​டிருந்த பிச்​சை​முத்​து, சந்​திரா ஆகியோர் மீது அங்​கிருந்த நாற்​காலியை தூக்கி அடித்​துள்​ளார். இதில், இரு​வரும் மயங்​கி​விட்​டனர். அதன் பின்​னர், வீட்​டிலிருந்த தேங்​காய் எண்​ணெயை இரு​வர் மீதும் ஊற்றி எரித்​துள்​ளார்.

தகவலறிந்த வடு​வூர் போலீ​ஸார் அங்கு சென்​று, வீட்​டுக்​குள் எரிந்​தநிலை​யில் இறந்​து கிடந்த பிச்​சை​முத்​து, சந்​திரா ஆகியோரின் உடல்​களை மன்​னார்​குடி அரசு மருத்​து​வ​மனைக்கு பிரேத பரிசோதனைக்​காக அனுப்பி வைத்​தனர். பின்​னர், ஐயப்​பனை கைது செய்தனர். தாத்​தா, பாட்​டியை பேரன் எரித்​துக்​கொன்ற சம்​பவம் மன்​னார்​குடி பகு​தி​யில் பரபரப்பை ஏற்​படுத்​தி​யுள்​ளது.

#DIPR #PRO

கன்னியாகுமரி மாவட்டம், நாகர்கோவில் அடுத்த தேரேகால்புதூர்,எஸ்.பி காலணி 13வது தெருவை சேர்ந்தவர் 23 வயதுடைய சுபாஷினி. இவருக்கு இன்னும் திருமணமாகாத நிலையில் டிப்ளமோ நர்சிங் படித்து முடித்துவிட்டு அதே பகுதியில் உள்ள தனியார் மருத்துவமனையில் செவிலியராக பணியாற்றி வந்தார். அப்போது சுபாஷினிக்கு தனது உறவுக்கார சகோதரியின் கணவரான 43 வயதுடைய மதன்குமார் என்பவருடன் பழக்கம் ஏற்பட்டுள்ளது. பின்னர் இருவரும் தொடர்ந்து பழகி வந்த நிலையில், இவர்களது பழக்கமானது நாளடைவில் திருமணத்திற்கு மீறிய உறவாக மாறியுள்ளது.

தொடர்ந்து இருவரும் அடிக்கடி வெளியில் சென்று தனிமையில் இருந்து வந்த நிலையில் கடந்த சில மாதங்களுக்கு முன்பு சுபாஷினி கர்ப்பமடைந்த நிலையில், நேற்று வீட்டில் இருந்த அவருக்கு பிரசவ வலி ஏற்பட்டுள்ளது. அதனை தொடர்ந்து தன்னுடன் பணிபுரியும் செவிலியரை வீட்டிற்கு அழைத்து பிரசவம் பார்த்துள்ளார். பின்னர் கள்ளக்காதலால் பிறந்த இந்த குழந்தை வெளியில் தெரிந்தால் அவமானம் என நினைத்து பிறந்த சில மணி நேரத்திலேயே அந்த குழந்தையை முட்புதரில் வீசிவிட்டு வீட்டில் இருந்து தப்பி சென்றிருக்கிறார்.

பின்னர் வீட்டின் சுற்றுப்புற சுவர் அருகே உள்ள புதரில் ஒரு பச்சிளம் குழந்தையின் உடல் கிடப்பதை பார்த்த அப்பகுதி பொதுமக்கள் சம்பந்தப்பட்ட சுசீந்திரம் காவல் நிலையத்திற்கு தகவல் தெரிவித்தனர். தகவலறிந்து சம்பவ இடத்திற்கு விரைந்து வந்த போலீசார் பச்சிளம் குழந்தையின் உடலை கைப்பற்றி ஆசாரிபள்ளம் அரசு மருத்துவ கல்லூரி மருத்துவமனைக்கு உடல் கூறு ஆய்வுக்காக அனுப்பி வைத்தனர். தொடர்ந்து இது சம்பந்தமாக சுசீந்திரம் போலீசார் அப்பகுதியில் நடத்திய விசாரணையில் அதே பகுதியைச் சேர்ந்த மருத்துவமனையில் செவிலியராக பணியாற்றி வரும் சுபாஷினி, மதன்குமாருடன் ஏற்பட்ட கள்ளத்தொடர்பால் கர்ப்பமானது தெரியவந்தது.

தொடர்ந்து அவரை பிடித்து விசாரணை மேற்கொண்ட போது, நேற்று சுபாஷினிக்கு ஆண் குழந்தை பிறந்த நிலையில் வெளியே தெரிந்தால் அசிங்கமாகிவிடும் என்று நினைத்து, மூடி மறைக்க திட்டமிட்டு பச்சிளம் குழந்தையை வீட்டு முன்பு தூக்கி வீசி விட்டு எதுவும் தெரியாமல் சென்று விட்டது தெரியவந்தது. இதனால் குழந்தை துடிதுடிக்க இறந்தது என சுசீந்திரம் போலீசார் விசாரணையில் தெரிவித்தனர். அதனை தொடர்ந்து இளம்பெண்ணை கர்ப்பமாக்கிய வழக்கில் மதன் குமார் முதல் கட்டமாக கைது செய்யப்பட்டுள்ளார். தொடர்ந்து குழந்தையை வீசி கொன்ற சுபாஷினியை கைது செய்து மருத்துவமனையில் அனுமதித்து விசாரணை நடத்தி வருகின்றனர். இளம்பெண் ஒருவர் தான் பெற்ற குழந்தையை வீட்டு அருகே தூக்கி வீசி கொலை செய்த சம்பவம் பெரும் பரபரப்பை ஏற்படுத்தி உள்ளது.