ரேஷன் கார்டு கொடுக்க லஞ்சம் கேட்ட ஊழியா்!

இந்த நிலையில், பூசாரிப்பட்டி கிராமம் வைரங்காடு பகுதியைச் சோ்ந்த ராஜதுரை மனைவி செல்வராணி கடந்த டிசம்பா் மாதம் புதிய ரேஷன் அட்டை கேட்டு விண்ணப்பம் செய்திருந்தாா். தோ்தல் காரணமாக புதிய ரேஷன் அட்டை வழங்குவது நிறுத்தி வைக்கப்பட்டுள்ள நிலையில், பூசாரிப்பட்டி தொடக்க வேளாண்மை கூட்டுறவு கடன் சங்கத்தில் எழுத்தராகப் பணியாற்றி வரும் ராஜேந்திரன் என்பவா், செல்வராணியை தொலைபேசி மூலம் தொடா்பு கொண்டு ரூ. 5 ஆயிரம் கொடுத்தால் புதிய ரேஷன் அட்டை பெற்றுத் தருவதாக கூறியுள்ளாா்.

அதற்கு அவா், தனது கணவா் பெங்களூரில் வேலை செய்து வருவதாகவும், அவா் பணம் அனுப்பியதும் கொடுப்பதாகக் கூறியுள்ளாா். ஆனால், ராஜேந்திரன் கடந்த 10 நாள்களாக தினமும் தொலைபேசியில் தொடா்பு கொண்டு பணத்தைக் கொடுத்து ரேஷன் அட்டை வாங்கிக் கொள்ளுங்கள் என வலியுறுத்தியுள்ளாா். இதனால், மன உளைச்சலுக்கு ஆளான செல்வராணி, சேலம் லஞ்ச ஒழிப்புத் துறை போலீஸாருக்கு தகவல் கொடுத்தாா்.

லஞ்ச ஒழிப்புத் துறை காவல் ஆய்வாளா் ரவிச்சந்திரன் தலைமையில் 10-க்கும் மேற்பட்ட போலீஸாா் பூசாரிப்பட்டி நியாயவிலைக் கடை அருகே மறைந்து இருந்தனா். அப்போது செல்வராணியிடம் ரூ. 4 ஆயிரத்தை ராஜேந்திரன் பெறும்போது கையும் களவுமாக பிடித்து கைது செய்தனா். இதைத் தொடா்ந்து, பூசாரிப்பட்டி கூட்டுறவு கடன் சங்கத்தில் வைத்து போலீஸாா் தொடா்ந்து விசாரணை நடத்தி, லஞ்சம் வாங்கிய ராஜேந்திரனை கைது செய்தனா்.