சட்டப்பேரவையில் இன்று கேள்வி நேரத்தின் போது பேசிய பாமக எம்எல்ஏ ஜி.கே.மணி 10.5% இடஒதுக்கீடு நீண்ட நாள் கிடப்பில் உள்ளது. சாதிவாரி கணக்கெடுப்பை உடனடியாக நடத்த வேண்டும் என கேட்டுக்கொண்டார்.
அதற்கு சட்டத்துறை அமைச்சர் ரகுபதி, 10.5% தரவுகள் இல்லாததால் உயர்நீதிமன்றம், உச்சநீதிமன்றம் நிறுத்திவைத்துள்ளது. இட ஒதுக்கீட்டிற்கு அரசு எந்த விதத்திலும் தடையாக இல்லை.
சாதிவாரி கணக்கெடுப்புடன் மக்கள்தொகை கணக்கெடுப்பு நடத்தினால் இட ஒதுக்கீட்டை அமல்படுத்த ஏதுவாக இருக்கும் என்று தெரிவித்தார். அப்போது ஜி.கே.மணியின் கேள்விக்கு முதல்வர் ஸ்டாலின் அளித்த பதிலில், சாதிவாரி கணக்கெடுப்பை மத்திய அரசு நடத்தக் கோரி பேரவையில் விரைவில் தீர்மானம் கொண்டு வரப்படும். அதுவும் இந்த கூட்டத் தொடரிலேயே தீர்மானம் கொண்டு வரப்படும் என்று உறுதியளித்தார்.
