103 வயதான முதியவருக்கு அறுவை சிகிச்சை மூலம் காலை அகற்றி, வேலூா் அரசு மருத்துவக் கல்லூரி மருத்துவமனை மருத்துவா்கள் சாதனை படைத்தனா்.
ராணிப்பேட்டை மாவட்டத்தைச் சோ்ந்தவா் முனுசாமி. 103 வயதான இவா் தனது 100 வயது வரை விவசாயம் செய்து வந்தாா். கடந்த மாதம் அவரது வலது காலில் ரத்தக் குழாய் அடைப்பு ஏற்பட்டு கிருமி தொற்றால் மோசடைந்தது.
இதனால் அவரது உடல் நலம் நாளுக்கு நாள் பாதிக்கப்பட்டு வந்ததையடுத்து, 5 தனியாா் மருத்துவமனைகளில் சிகிச்சைக்காக அணுகினாா். எனினும், அதிகப்படியான செலவு மற்றும் வயது முதிா்வு காரணமாக அவருக்கு அறுவை சிகிச்சை அளிக்க தனியாா் மருத்துவமனைகள் முன்வரவில்லை. இந்த நிலையில், முனுசாமி வேலூா் அடுக்கம்பாறை அரசு மருத்துவக் கல்லூரி மருத்துவ மனையை நாடினாா். அங்கு அவருக்கு மேற்கொள்ளப்பட்ட மருத்துவப் பரிசோதனையை அடுத்து, ரத்த குழாய் அடைப்பைச் சரி செய்ய அவரது வலதுகால் முட்டி வரை அழுகிய நிலையில் உள்ள காலை அறுவை சிகிச்சை செய்து அகற்ற முடிவு செய்யப்பட்டது.
அதன்படி, மருத்துவமனை அவசர சிகிச்சைப் பிரிவு, முதியோா் நலப்பிரிவு, அறுவை சிகிச்சைப் பிரிவு, ரத்த நாளப் பிரிவு, மயக்கவியல் துறை ஆகிய 5 பிரிவுகளைச் சோ்ந்த மருத்துவா்கள் இணைந்து கடந்த 8-ஆம் தேதி அறுவை சிகிச்சை மூலம் முனுசாமியின் அழுகிய வலது காலை வெட்டி அகற்றினா். இதன்மூலம் தற்போது அவா் பூரணமாக குணமடைந்து உடல் நலம் தேறி வருவதாக வேலூா் அரசு மருத்துவக் கல்லூரி முதல்வா் எஸ்.பாப்பாத்தி தெரிவித்தாா்.
அவா், மேலும் கூறியது: முனுசாமி 103 வயதானவா் என்பதால், அவருக்கு அறுவை சிகிச்சை செய்வதில் பல சிக்கல்கள் இருந்தன. மயக்க மருந்து செலுத்தும் போதோ அல்லது அறுவை சிகிச்சையின்போதோ அவா் இறக்க நேரிடலாம் என்பதால், இதுகுறித்து அவரது குடும்பத்தினருக்கு எடுத்துக் கூறப்பட்டது. அவா்கள் ஒப்புக் கொண்டதை அடுத்து முனுசாமிக்கு அறுவை சிகிச்சை செய்யப்பட்டது. தற்போது அவா் நல்ல முறையில் குணமடைந்து உடல் நலம் தேறியுள்ளாா். அவரது அகற்றப்பட்ட காலுக்கு மாற்றாக செயற்கை கால் அளிக்கப்பட்டுள்ளது. இதன்மூலம் அவா் நடமாட முடியும் என்றாா்.
வேலூா் அரசு மருத்துவா்களுக்கு முதியவா் முனுசாமி நன்றி தெரிவித்தாா். அப்போது அவருக்கு அறுவை சிகிச்சை செய்த துறை மருத்துவா்கள் ராஜவேலு, ஸ்ரீதா், அரி, கோமதி, பாலபாஸ்கா், பத்மநாபன், டேனிராஜா, ஜெகதீஷ், பிஜின் உள்ளிட்டோா் உடனிருந்தனா்.
